Dyshja e njohur DJ Blunt dhe Real 1 së shpejti do të sjellin në treg projektin e tyre më të ri.
“Du ju llov mi” titullohet kënga e tyre e re, të cilën çuditërisht dyshja kanë vendosur ta shkruajnë në shqip ashtu siç shqiptohet në anglisht kjo fjali, e që kuptimi i saj është “Të Dua”.
Për Telegrafin, DJ Blunt dhe Real 1 kanë zbuluar se kënga e tyre e re është punuar në studion e Florent Boshnjakut, ndërsa tekstin e kanë shkruar vet.
Klipi i këngës është gjithashtu mjaft i veçantë, dhe është punuar nga produksioni Imagine Films.
Telegrafi ka përcjell nga afër xhirimet, dhe ju sjell disa imazhe ekskluzive nga prapaskenat e klipit “Du ju llov mi” që do të publikohet së shpejti.
Blunt dhe Real 1 kanë qenë ndër emrat më aktivë gjatë vitit 2017, me publikimin e projekteve të reja, të cilat janë pritur mirë nga publiku. /Telegrafi/
