Karim Benzema vazhdon të qëndrojë mes polemikave për një arsye apo tjetrën, diçka që ai fare mirë mund ta kishte evituar.
Këtë radhë sulmuesi i Real Madridit është shfaqur në një video muzikore të reperit Booba, që është edhe miku i tij, një video kjo për të cilën do të diskutohet shumë.
Në këtë video që pasqyron jetën në periferitë e qyteteve të mëdha franceze, shfaqen pako me para, armë e drogë, transmeton TCH.
Benzema shfaqet vetëm pak sekonda si plan i parë dhe jo i rrethuar nga këto objekte, megjithatë fakti që ai ka marrë pjesë në xhirimin e këtij videoklipi nuk do ta ndihmojë shumë atë.
Për t’u theksuar është se në xhirimin e kësaj videoje polemizuese nuk mori pjesë vetëm Benzema. Në të shfaqet edhe futbollisti i PSG, Kurzawa, edhe ky një mik i reperit Booba.
