Trajneri i njohur i xhudos, Driton Kuka ka reaguar pas mos finalizimit të ligjit për sponzorim të kulturës dhe sportit, i cili dje (e mërkurë) në mungesë të kuourimit në Kuvendin e Kosovës nuk ka marrë mbështetjen e deputetëve.
Edhe njëherë sporti i Kosovës nuk ka marrë mbështetjen e deputetëve të Kuvendit të Kosovës.
Ligjvënësit kosovar nuk e kanë votuar amendamentin e propozuar nga deputeti i PDK-së, Bekim Haxhiu, i cili parashihte Sponsorizimin në fushën e Sportit, Kulturës e Rinisë.
Në lidhje më ketë ka reaguar ashpër trajneri i njohur, Kuka, i cili ka thënë se Sporti është Kryefjala e shtetësisë së Kosovës, ndërsa politikat duhet t’i lënë kauzat politike që dëmtojnë sportin.
“Ju që se votuat duhet të flisni publikisht arsyet e juaja, nëse keni arsye të qëndrueshme ne jemi gati të ulemi e të diskutojmë, por leni kauzat politike kur është në pyetje sporti!”, ka shkruar ndër tjerash Kuka në profilin e tij privat në Facebook.
Ndryshe, dje një gjë të tillë është mbështetur edhe nga partitë në pozitë dhe opozitë, por që kur erdhi radha e votimit, amendamenti nuk u votua, në mungesë të kuorumit.
Ligji parasheh që shumë biznese ta ndihmojnë financiarisht sportin dhe kulturën në vendin tonë, por ende nuk është finalizuar.
/Telegrafi/
