Drita ka vazhduar me ndeshje fantastike në fazën përgatitore që po e zhvillon në Antalya të Turqisë.
Skuadra gjilanase ka fituar edhe ndeshjen e tretë, duke e mposhtur skuadrën polake Lechia Gdansk me rezultat 1-2.
Vetëm pas katër minutave lojë gjilanasit kaluan në epërsi, derisa realizoi sulmuesi i ardhur nga Ballkani, Arb Manaj.
Pjesa e parë u mbyll me epërsinë e Dritës 0-1, derisa në të dytën polakët e nisën më mirë duke barazuar në minutën e 51-të me Pilan për 1-1.
Gjithsesi Drita nuk i ndali sulmet dhe në minutën e 73-të e shënoi edhe golin e fitores.
🔚 Drużyna z Kosowa lepsza w pierwszym sparingu Biało-Zielonych na zagranicznym obozie przygotowawczym!
Przed nami jeszcze 5 gier kontrolnych przed powrotem do Polski!
____
#️⃣𝑫𝒛𝒊𝒆𝒏́𝑺𝒑𝒂𝒓𝒊𝒏𝒈𝒐𝒘𝒚𝑳𝑮𝑫
FT: Lechia 1:2 FC Drita pic.twitter.com/EKoalJZWo8— Lechia Gdańsk (@LechiaGdanskSA) January 23, 2024
Ishte talenti prishtinas i Dritës, Albin Prapashtica që realizoi gol për t’i dhuruar fitoren e tretë Dritës në po aq ndeshje miqësore deri më tani në tokën turke.
Kjo ishte fitorja e tretë e Dritës, pasi më parë kanë mposhtur hungarezët e Vasas 6-1 dhe ukrainasit e Chernomets Odesea 3-1.
Ndeshjen e fundit gjilanasit e zhvillojnë ditën e premte ndaj skuadrës polake Ruch Chorzow. /Telegrafi/