Drita ka arritur të fitojë ndaj Drenicës me rezultat 1-0, në një ndeshje që ishte pritur të ishte më e zjarrtë.
Pjesa e parë ishte më e fortë me të dy skuadrat që u munduan më shumë, por që gola nuk kishte.
Rastin e parë të mirë e kishte Izair Emini që rrezikoi me kokë në minutën e 9-të, por Arjon Ymeri bëri një pritje të madhe.
Ardijan Cuculi dhe Xhevdet Shabani rrezikuan, por pa sukses.
Rastin më të mirë e kishte Astrit Fazliu që goditi nga afërsia, por topin nga vija e fundit e largon Shkëlzen Lushtaku.
Me të filluar pjesa e dytë Drita e gjeti golin.
Një harkim për tokë nga e majta i Astrit Fazliut, gjeti në shtyllën e dytë Xhevdet Shabanin, i cili shënoi për 1-0.
Deri në fund të dy skuadrat pothuajse stopuan të luajnë futboll, duke mos krijuar raste.
Drita me këtë fitore afrohet te titulli, ku një barazim në ndeshjen e radhës mes Gjilanit dhe Ballkanit, mund të mbyll gjithçka. Në anën tjetër Drenica ende nuk e ka siguruar mbijetesën. /Telegrafi/