Në një eksperiment të thjeshtë të realizuar me dritën e laserit, shihet se sa lehtë mund të përhapet virusi gjatë qëndrimit në afërsi të personave tjerë, nëpërmjet përhapjes së spërklave që nxjerrin gjatë të folurit.
Instituti i Shëndetësisë në Maryland të Shteteve të Bashkuara, e ka krijuar një simulim, mes dy bashkëbiseduesve, që fillimisht nuk bartin maska, transmeton Telegrafi.
Ata nxjerrin sasi të mëdha spërklash kur nuk kanë maska, që është një rrezik potencial i përhapjes së coronavirusit, por njëjtë nuk ndodhë edhe kur ata janë me maska.
Sfondi i errët, i tregon edhe më mirë spërklat që janë kapur nga drita e laserit, kur ata flasin pa maska, ndërsa asgjë nuk përhapet derisa ata flasin të maskuar.
Distanca sociale, bartja e maskave dhe higjiena personale, janë të domosdoshme në këtë kohë me pandemi, andaj mbesin të rekomandueshme për të gjithë. /Telegrafi/
