Drita ka barazuar me Gjilanin me rezultat 0-0 në kuadër të javës së 33-të në BKT Superligën e Kosovës.
Ndeshja ishte e bukur, sidomos në pjesën e parë ku nuk munguan rastet për gol.
Marko Simonovski gjuajti bukur në minutën e 22-të, por Enea Koliçi priti edhe më bukur.
Goli ishte afër edhe në minutën e 30-të, kur goditja e Almir Kryeziut qëlloi transversalen, ndërsa nga topi i kthyer nuk shënoi Albin Krasniqi.
Blerim Krasniqi i Gjilanit kishte rast të mirë në minutën e 35-të, ndërsa pas tij edhje Hamdi Namani, por rrjetat heshtën.
Edhe në pjesën e dytë kishte raste, por golat munguan.
Simovski dhe Progni kishin rastet më të mira në këtë fraksion.
Gjilani mbetet i dyti me 59 pikë, ndërsa Drita e treta me 54 pikë. /Telegrafi/