Këngëtarja dhe ish-missi kosovar, Drenusha Latifi, është rikthyer në një intervistë për “KosovaToday”, ku ka folur hapur për përvojën e saj në “Big Brother VIP Albania”.
Në këtë rrëfim të sinqertë, ajo ndau detaje mbi sfidat dhe momentet më të vështira gjatë qëndrimit të saj tre mujor në shtëpinë më të famshme në Shqipëri.
Një nga temat më emocionale ishte padyshim largësia nga fëmijët e saj, të cilët nuk mundi t’i takonte gjatë gjithë eksperiencës në BBVA. Drenusha tregoi se kishte përjetuar një zhgënjim të thellë kur nëna e saj hyri në shtëpi dhe i tha se ish-burri i saj, Atilla Kardesh, nuk kishte lejuar që fëmijët ta vizitonin.
Në intervistë, ajo shpjegoi: “Kur personi në fjalë ka qenë i burgosur dhe unë e kam menduar se çfarë është më e mira për fëmijët, i kam çuar ata në një institucion që nuk është aspak i këndshëm për fëmijët [burg], vetëm që të kishin një kontakt me të. Dhe pastaj, kur e krahasova këtë me një vend si Big Brother, ku njerëzit janë të veshur bukur dhe fëmijët mund ta shihnin si një përvojë interesante, më bëri të kuptoj se moslejimi i takimit tonë ishte një mënyrë për të më shtyrë që të dorëzohesha”.
Drenusha e përshkroi këtë përvojë si një moment shumë të dhimbshëm, duke theksuar se fëmijët janë gjithçka për të dhe mungesa e tyre ndikoi emocionalisht në qëndrimin e saj në BBVA.
Këngëtarja shtoi se eksperienca në Big Brother ishte sfiduese, por njëkohësisht një periudhë reflektimi dhe forcimi për të. Ajo shprehu mirënjohjen për mbështetjen e publikut dhe tha se tani është e fokusuar në të ardhmen, duke u përkushtuar plotësisht ndaj familjes dhe projekteve të reja. /Telegrafi/
