Drenusha Latifi, e eliminuara nga gjysmëfinalja e Big Brother VIP Kosova, ka qenë e ftuar në emisionin Big Talk, ku ka shpërndarë emocionet e saj pas daljes nga shtëpia.
Ajo u shpreh tejet mirënjohëse për dashurinë dhe përkrahjen që ka marrë nga publiku pas përfundimit të spektaklit.
Drenusha tha se, gjatë kohës që ishte brenda shtëpisë, kishte menduar se njerëzit nuk e pëlqenin, por kur doli jashtë, pa sa shumë mbështetje kishte marrë nga fansat e saj.
“Ka qenë një ndjenjë shumë e bukur të shohësh se sa shumë dashuri kam marrë nga populli”, tha Drenusha.
Gjatë kohës që ishte pjesë e shtëpisë, Drenusha ka ndarë me publikun historinë e saj të dhunës që kishte përjetuar nga ish-bashkëshorti, përfshirë edhe momentet e vështira me Atillën, i cili gjithashtu ishte pjesë e shtëpisë.
Ajo tha se shumë gra e kanë kontaktuar dhe janë prekur nga historia e saj, duke shprehur mbështetje dhe solidaritet.
Por, Drenusha po ashtu tregoi se edhe burrat, të cilët janë burra familjarë, e kanë mbështetur dhe e kanë inkurajuar në rrugëtimin e saj.
Kjo mbështetje ka pasur një ndikim të madh për Drenushën, e cila e ka vlerësuar shumë përkrahjen që ka marrë, dhe si një nxitje për të vazhduar me forcë përpara. /Telegrafi/
