Drejtuesit e Real Madridit thuhet se po kërkojnë të shesin gjashtë lojtarë të veçantë në këtë afat kalimtar të verës.
Pasi ka vendosur tashmë të lejojë legjenda si Marcelo, Gareth Bale dhe Isco të largohen pas përfundimit të kontratave, Reali është gati të bëjë edhe tjera largime.
Sipas gazetës spanjolle Mundo Deportivo, kampioni i Evropës, Real Madrid do të kërkojë të largojë apo shesë edhe gjashtë lojtar tjerë të njohur të ekipit të parë.
Mesfushori Dani Ceballos, portieri Andriy Lunin dhe mbrojtësi Jesus Vallejo janë gati të largohen këtë verë.
Portieri i Ukrainës, Lunin, ka të ngjarë të largohet vetëm si huazim, ndërsa për Ceballos do të shqyrtohen ofertat.
Ndërkohë, ofertat do të shikohen edhe për sulmuesit Luka Jovic dhe Mariano Diaz, ndërsa mund të shitet edhe ylli spanjoll Marco Asensio.
Asensio ka një vit të mbetur në marrëveshjen e tij aktuale dhe situata e tij është shumë e paqartë, pasi spanjolli nuk është i lumtur me minutat e lojës. /Telegrafi/