Mario Balotelli do të jetë lojtar i lirë pas 30 qershorit dhe së fundmi ishte i lidhur me një kalim të mundshëm te Parma.
Drejtori sportiv i klubit italian, Daniele Faggiano, e pranon se sulmuesi i Nices është një dëshirë, por vështirë e arritshme në aspektin financiar.
“Ne dëshirojmë të qëndrojmë në krye duke krijuar një ekip të bashkuar”, ka thënë Faggiano për Radio Kiss Kiss Napoli.
“Kemi raporte të mira me Napolin, do flasim me ata për të shikuar mundësitë për të mbajtur Amato Ciciretti, Armando Anastasio dhe Roberto Insignen”.
“E dimë mirë mesazhin që duhet të japim, kemi ardhur nga Serie D dhe nuk ishte e lehtë. Do ta shikojmë se çfarë mund të bëjmë për Insignen, ndërsa për Balotellin mund të them se është top lojtar dhe mund të përfundojë te Napoli”.
“Ai është lojtar me kualitete të padiskutueshme, por ai ka rrogë të madhe dhe nuk mund ta përballojmë”, ka shtuar Faggiano.
Për Balon kanë shfaqur interesim edhe Arsenali e Marseille. /Telegrafi/
https://www.youtube.com/watch?v=NnaU3LBsYgw