Në lidhje me shkrimet se njëra nga ndërmarrjet publike, “Hekurudhat e Maqedonisë”, ka dhënë para për Bashkimin Demokratik për Integrim (BDI), ka reaguar vetë drejtori i kësaj ndërmarrje, Irfan Asani, kuadër i BDI-së.
Drejtori Asani pohon se “moralisht dhe me përgjegjësi”, si drejtor, në asnjë rast nuk e ka keqpërdorur buxhetin e ndërmarrjes për financime partiake, por e ka bërë me para personale.
Ai ka publikuar dokument ku thuhet se ka nënshkruar ujdi që 5% të rrogës ta jep si donacion në BDI.
Me këtë reagim, Irfan Asani i hedh poshtë pohimet e Komisionit Shtetëror për parandalimin e korrupsionit (KSHPK), duke konsideruar se drejtori Igor Tanturovski tenton të fsheh dështimin e tij dhe të institucionit që udhëheq./Telegrafi/
