Julian Draxler nuk i trembet Barcelonës dhe nuk beson se katalonasit do arrijnë të kthejnë rezultatin në “Camp Nou”.
Ylli i Paris Saint-Germain ka triumfuar në takimin e parë para shikuesve të vetë me rezultat të thellë prej 4-0.
Në një deklaratë për mediat, Draxler është shprehur se ekipi i tij nuk duhet të luajë në mbrojtje që të mbrojë rezultatin, por duhet të vazhdojë të sulmojë, transmeton Telegrafi.
“Shumë ekipe kanë humbur 5-0 në “Camp Nou”, ne e dimë se gjithçka është e mundur. Por unë jam i bindur se do të kemi sukses dhe do të kualifikohemi për çerekfinale”.
“Unë mendoj se është e rëndësishme që të sulmojmë dhe jo vetëm të mbrohemi. Do të jetë një lojë e veçantë për mua, sepse unë kurrë nuk kam luajtur në Camp Nou”, u shpreh gjermani.
Theksojmë se takimi zhvillohet nesër me fillim në ora 20:45 dhe kësaj radhe vendase është Barcelona. /Telegrafi/