Julian Weigl duket se do të largohet nga Borussia Dortmundi gjatë afatit kalimtar të janarit.
Mesfushori gjerman ishte i lënduar dhe mbeti rreth katër muaj jashtë fushave në fundin e edicionit të kaluar.
Por në këtë edicion, në pozitën e tij po luajnë dy prurjet e reja Axel Witsel dhe Thomas Delaney.
Weigl nuk ka pasur minuta të shumtë këtë edicion dhe ka kërkuar largimin nga klubi verdh e zi.
Dortmundi ka pranuar ta lë të lirë yllin e tyre, por vetëm si huazim 18 mujor.
E ardhmja e 23-vjeçarit mund të jetë në Serie A, ku Roma ka shprehur interesim për të.
Drejtori sportiv i Romës, Monchi ka filluar bisedimet me zyrtarët e Dortmundit për ta marrë Weigl si huazim.
Giallorosët po duan që pas 18 muajve të kenë edhe opsionin e blerjes për 35 milionë euro, por Dortmund ende nuk është bindur nga kjo shumë.
I sigurt është vetëm largimi i Weigl nga Dortmundi, por jo edhe klubi i tij i ardhshëm pasi për të interesim ka shfaqur edhe Milan dhe PSG. /Telegrafi/