Borussia Dortmund ka identifikuar sulmuesin e Sassuolos, Gianluca Scamacca, si një zëvendësues të mundshëm për Erling Haaland dhe gjigantët e Bundesligës kanë paraqitur tashmë një ofertë hapëse.
Haaland pritet të largohet nga Borussia në verë, me disa klube kryesore evropiane të lidhura me sigurimin e shërbimeve të tij.
PSG, Barcelona dhe Real Madrid janë të etur për norvegjezin dhe Dortmundi tashmë po konsideron zëvendësues të mundshëm.
Sipas mediumit italian La Gazzetta dello Sport, sulmuesi i Sassuolos, Scamacca është një nga objektivat e tyre kryesore për sulmin.
Gazeta italiane raporton se Dortmundi ka bërë një ofertë zyrtare prej 45 milionë euro për të siguruar nënshkrimin e tij në janar, duke e lënë sulmuesin në huazim në “Mapei Stadium” deri në fund të sezonit.
Scamacca, il Dortmund offre 45 milioni, ma lui vuole solo l’Inter #calciomercato https://t.co/eLAMvFHdmq
— La Gazzetta dello Sport (@Gazzetta_it) January 28, 2022
Interi është gjithashtu shumë i interesuar për Scamaccan dhe sulmuesi do të preferonte më shumë të transferohej në San Siro sesa jashtë vendit.
Thuhet se Sassuolo ka informuar Nerazzurrët për ofertën e Dortmundit. Scamacca beson se Interi është hapi ideal për të vazhduar karrierën e tij dhe ka të ngjarë të refuzojë mundësinë për t’u transferuar në Gjermani. /Telegrafi/