Këngëtarja shqiptare me famë internacionale, Dua Lipa, po vazhdon të pushtojë tregun botëror me projekte të suksesshme.
Ajo akoma po shijon suksesin e “Don’t Start Now”, derisa në muajin prill pritet ta publikojë albumin e plotë.
Së fundmi, 24-vjeçarja ka bërë të ditur se kënga e saj është renditur e para në “Us Pop Radio Chart”.
“Don’t Start Now e para në Us Pop Radio Chart. Çfarë dite. Gëzuar vikendin të gjithëve. Faleminderit, faleminderit”, ka shkruar krahas postimit të saj Lipa.
Kjo këngë, e cila u lansua më 1 nëntor të vitit 2019, deri më tani ka arritur të mbledh mbi 146 milionë klikime në platformën YouTube.
“Physical” po ashtu është një nga këngët e albumit të saj më të ri “Future Nostalgia”, i cili do të publikohet më 3 prill.
Lipa ka publikuar tre këngë nga ky album: “Don’t Start Now”, “Future Nostalgia” dhe “Physical”. /Telegrafi/