Gianluigi Donnarumma tani është një djalë i rritur. Edhe pse qe dy vite ai është duke mbrojtur portën e Milanit dhe me një sërë rekordesh të shënuara, portieri sapo ka mbushur moshën madhore 18 vjeç.
Dhe bota e sportit dhe ajo e rrjeteve sociale ka qenë e mobilizuar e gjitha për t’i bërë urimet portierit italian, që për moshën që ka është një nga më të njohurit në botë.
Donnarumma është “i përzgjedhuri”, pasi ka regjistruar shifra rekord, si edhe një trofe, duke bërë që jo vetëm në Itali, por në Evropë e botë e bëjnë atë një prej më të fortëve, transmeton Top Channel. Milani ka filluar ta përkëdhelë shumë, por ndër të tjera duhet të rezistojë edhe mësymjen e klubeve të mëdha që kërkojnë shërbimin e tij.
Në pafundësinë e urimeve, Donnarumma mori edhe një urim shumë special nga një tjetër ‘Gigi’, më i madhi deri tani, Gianluigi Buffon.
“Përshëndetje Gigio, jam Gigi Buffon dhe të uroj për ditëlindjen tënde. Është speciale, sepse po hyn në botën të mëdhenjve, ashtu siç ti je. Shijoje moshën, pasi do ta kuptosh që bota e të mëdhenjve është shumë e vështirë, por e ke kualitetin, teknikën si portier dhe moralin si person për të krijuar një hapësirë për të qenë i lumtur dhe për të shkruar një epokë”, ka shkruar Buffon.