Mbrëmja e së martës ka qenë e mbushur me befasi në spektaklin Big Brother VIP.
Kjo pasi pesë banorë të rinj iu bashkuan shtëpisë më të famshme në Shqipëri, gjersa të gjithë banorët konfirmuan shtyrjen e natës finale për datën 18 shkurt.
E eliminuara e mbrëmjes ishte blogerja Sarah Berisha, e cila rezultoi më e votuara nga televotimi, në të cilin ndodhej edhe DJ Dagz.
Në anën tjetër, një moment interesant u shënua kur gjatë një debati e sipër, aktorit Donald veshaj i rrëshkiti goja dhe pa dashur përmendi ish-të dashurën e tij, Bora Zemani.
Duke iu drejtuar Beniadës “Bora, ja një sekond”, aktori e kupton shpejt gabimin dhe menjëherë bën korrigjimin, duke thënë “…Beniada, ta mbaroj”.
Kaq ka mjaftuar që në rrjetet sociale të shpërndahet me të madhe kjo video, me disa prej fansave që këmbëngulin se ai nuk ka thënë emrin e moderatores, por ka thënë “Por ja një sekond”, me çka mund të ketë shkaktuar hamendësimin.
Mirëpo fakti që Donaldi menjëherë e përmirëson emrin, duke e thënë atë të Beniadës, lë të dyshohet se edhe ai ishte i vetëdijshëm që artikuloi emrin e Borës gjatë debatit.
Kujtojmë që ai dhe moderatorja e Top Channel kanë qenë shumë të përfolur gjatë BBV, pasi në fillim ata zhvilluan një takom romantik me njëri-tjetrin nën mundësinë për një rikthim të mundshëm së bashku, por që aktori Veshaj krijoi brenda shtëpisë së Big Brother VIP një lidhje tjetër me këngëtaren Beatrix Ramosaj. /Telegrafi/
