Këngëtarja me famë botërore, Dua Lipa, qe dy ditë ndodhet në Shqipëri në kuadër të nismës së Fondacionit të saj, ‘Sunny Hill’, që financon rindërtimin e një kopshti në Tiranë.
Artistja me famë ndërkombëtare u takua në Tiranë me një sërë personalitetesh dhe personazhesh të njohura në vend, kryeministrin Edi Rama, kryebashkiakun Erion Veliaj dhe ambasadoren e SHBA-ve, Yuri Kim – transmeton TCH.
Në këtë vizitë, ajo shoqërohej edhe nga partneri i saj, Anwar Hadid. Ky i fundit duket se e ka pëlqyer Shqipërinë dhe sot (e diel) ka ndarë në rrjete sociale fotografi nga vizita në Tiranë e Krujë. Së bashku me duan dhe familjen e saj, ai ka vizituar Kalanë e Krujës.
Anwar ka ndarë në Instagram fotografi nga skulptura e Skënderbeut dhe shkruan se ai është djali i shqiponjave dhe më i madhi i vendit në Shqipëri.
Gjithashtu modeli ka publikuar një imazh të flamurit të Skënderbeut me shqiponjat dykrenore, si edhe fotografi të tjera ku nuk mund të mungojë poza e përbashkët me Duan.
