Policia e Kosovës ka dhënë detaje lidhur me djegien e autobusit që ndodhi ditën e martë në magjistralen Hani i Elezit-Kaçanik.
Policia njofton se autobusi ishte me 20 pasagjer shtetas të Serbisë, ndërkaq nga rasti nuk raportohet për ndonjë të lënduar, transmeton Telegrafi.
“Është raportuar se në magjistralen Kaçanik – Hani i Elezit një autobus me 20 pasagjer shtetas të Serbisë për shkaqe ende të panjohura ishte përfshi nga zjarri. Në vendin e ngjarjes përveç njësive policore kanë dalë edhe zjarrfikësit të cilët e kanë shuar zjarrin. Si pasojë e zjarrit autobusi është djegë në tersi dhe nuk raportohet për ndonjë person të lënduar” njofton Policia.
Rasti ka ndodhur të martën, rreth orës 09:30. /Telegrafi/