Cristiano Ronaldo Junior, djali i superyllit Cristiano Ronaldo, ka festuar ditëlindjen e tij të 12-të.
Festa e ditëlindjes është organizuar në një rreth familjarësh dhe miqsh, ndërsa një pjesë të atmosferës e ka treguar Georgina Roudrigez në profilin e saj në Instagram.
“Një ditë magjike dhe e veçantë”, ka shkruar partnerja e CR7, ndërkohë që për Cristiano Jr. është përgatitur edhe një tortë me motive futbolli dhe ngjyra të Portugalisë.
Me rastin e ditëlindjes së djalit të madh, Ronaldo shpërndau një fotografi të përbashkët me fjalët: “Urime ditëlindjen djali im! Si po kalon koha…?! A do të luajmë akoma bashkë?! Më e rëndësishmja është që të vazhdosh të jesh një djalosh me zemër të madhe! Babai të do shumë”.
Cristiano Jr. besohet të ketë lindur përmes një nëne surrogate, ndërsa superylli portugez asnjëherë nuk e ka zbuluar identitetin e saj. CR7 ka thënë se kur të vijë koha do t’ia tregojë të vërtetën djalit të tij. /Telegrafi/