Djali i Johnny Depp, Jack, është fotografuar duke shijuar një shëtitje pranë të dashurës së tij modele në Paris.
18-vjeçari, i cili rrallë shihet në media, dukej i disponuar në shoqëri të bukuroshes Camille Jansen, e cila është dy vjet më e madhe se ai.
Ndërkohë që babai i tij po qëndron në Mbretërinë e Bashkuar për procesin gjyqësor me ish-bashkëshorten Amber Heard, Jack jeton në Paris, aty ku qëndron edhe nëna e tij, Vanessa Paradis.
Për dallim nda Depp, i cili ka përjetuar një karrierë të suksesshme si aktor, djali i tij ka qëndruar larg syrit të publikut dhe nuk ka qenë i interesuar që të ndjekë hapat e babait.
Këtë e ka dëshmuar vet aktori në një deklarim publik duke thënë se Jack ka talent edhe për muzikë, mirëpo nuk ka shprehur dëshirë për aktrim.
Nga lidhja me Vanessan (në periudhën 1998-2012), Johnny ka dy fëmijë, djalin Johnny Christopher Depp III (Jack) dhe vajzën Lily-Rose Depp. /Telegrafi/
