Këngëtarja e famshme shqiptare, Rita Ora, është takuar me artistin tjetër shqiptar, DJ Regard, gjatë evenimentit muzikor të Capital FM, ku ajo edhe kishte interpretuar.
“Kosovë ngritu! Faleminderit që erdhe të më vizitosh… Shumë e lumtur për ty DJ Regard për të gjitha sukseset tua! Sa më shumë nga ne të jemi, aq më mirë është! Vazhdo të fitosh dhe të shkëlqesh ashtu siç je!”, ka shkruar Rita në përshkrimin e fotografisë së publikuar në Instagram.
Dardan Aliu, i njohur si DJ Regard, po vazhdon të korrë suksese të njëpasnjëshme në karrierën e tij duke i pushtuar të gjitha platformat muzikore.
Ai cilësohet si një ndër emrat më të njohur muzikës ‘deep house’, ndërsa tash e disa vite është pjesë e “Leaf Managment”, kompani kjo e themeluar në Kosovë.
Gjatë pjesëmarrjes në evenimentin muzikor të Capital FM, artisti është takuar edhe me shqiptaren tjetër të famshme, Ava Max.
“Një natë aq e bukur, me njerëz aq të mirë”, ka shkruar DJ Regard në përshkrimin e fotografive të publikuara. /Telegrafi/