Dardan Aliu i njohur si DJ Regard, po vazhdon të korrë suksese të njëpasnjëshme në karrierën e tij.
“Ride it” mban titullin një nga projektet e fundit që ka lansuar, ndërsa u mirëprit nga publiku dhe tashmë po pushton edhe platformat e ndryshme muzikore.
Së fundmi, kjo këngë ka thyer rekord në Britaninë e Madhe, duke u renditur i dyti në “Tik Tok”, pas yllit botëror, Ed Sheeran, por ka lënë pas artistin Post Malone me “Goodbyes”.
Meqenëse është në mesin e yjeve të famshme botërore, kjo nuk ka dyshim se është një sukses i madh për këngëtarin shqiptar.
I njëjti po ashtu është aktiv me prurje të reja, gjersa ditë më parë solli edhe bashkëpunimin me motrat Kabashi, Anën dhe Artën, projekti i të cilëve titullohet “Papa”.
Ndryshe, DJ Regard cilësohet një ndër emrat më të njohur muzikës Deep House dhe tash e disa vite është pjesë e “Leaf Managment”, kompani kjo e themeluar në Kosovë. /Telegrafi/
