Ashtu siç kishte paralajmëruar, Beatrix Ramosaj ka prezantuar sot (e martë) projektin e ri muzikor.
“Ma shumë se ti” mban titullin kënga, të cilën e ka sjell në bashkëpunim me DJ Geek.
Projekti është kompletuar edhe nga ana vizuale, me paraqitje të mahnitshme me kostum të zi si ‘Catwoman’.
Teksti është shkruar nga Vig Poppa, gjersa ky i fundit është përkujdesur edhe për muzikën dhe vijën melodike.
Producimi, miksimi dhe masterizimi ndërkaq u realizua nga Deard Sylejmani.
Në bazë të tekstit, besohet se është një ‘diss’ kundrejt ish-të dashurit të saj, aktorit Donald Veshaj, me të cilin u njoh në Big Brother VIP e u ndanë menjëherë pas spektaklit.
Videoja i është besuar produksionit të njohur, Kotorri.
Të plotë tashmë mund ta gjeni në YouTube, në kanalin zyrtar të artistes Dafina Zeqiri. /Telegrafi/
https://www.youtube.com/watch?v=OYDVEruk5DM