Është publikuar topi nga Adidas për finalen e Ligës së Kampionëve për ndeshjen e së shtunës mes Liverpoolit dhe Real Madridit.
Topi është një dizajn me ngjyrë hiri dhe i bardhë që të kujton pamjen e topave klasikë të ndeshjeve para më shumë se 20 vitesh.
Ekziston edhe gavrimi me shkronja të zeza ‘мир’ në shkrimin cirilik – që përkthehet si ‘paqe’. Sipas UEFA-s, dizajni i topit është “dukshëm pa ngjyra, duke shfaqur panele të bardha të pastërta për të simbolizuar armëpushimin dhe unitetin”.
“Gjatë historisë së saj, dashuria për lojën ka bashkuar njerëz nga e gjithë bota përmes një objekti të thjeshtë – një futbolli”, deklaroi Gonzalo Calvo, Drejtor Global i Komunikimit, Komuniteteve dhe Kulturës së Markave në Adidas.
“Ne jemi të emocionuar më shumë se kurrë për të mbështetur lojtarët dhe klubet e jashtëzakonshme që po e lartësojnë këtë platformë për përmirësimin e lojës dhe botës – veçanërisht në nivelet bazë”.
Më 27 maj, një ditë para finales së Ligës së Kampionëve – Adidas organizon Grand Paris Finale 2022, në shesh lojërash në Saint-Denis. Ky do të jetë një turne elitar futbolli bazë që do të zhvillohet me tetë ekipe lokale nga Parisi, secila që përfaqëson një lagje të qytetit.
Kjo do të nisë një projekt të trashëguar të krijuar për të mbështetur komunitetet e futbollit bazë të qytetit duke ofruar një shtëpi dhe vend për të luajtur, duke përmirësuar dukshmërinë dhe aksesin në lojë në të gjitha nivelet. Përveç rinovimit të sheshit të lojërave “Zinedine Zidane”, adidas njofton mbështetjen e saj për Akademinë Sportive Saint-Denis dhe themeluesin e saj, Yssa Dembele, të cilës Adidas do t’ia dorëzojë hapësirën pas rinovimit të saj si pjesë e nismës së mbështetjes bazë. /Telegrafi/
