Në BE Infoqendrën sot do të mbahet Infodita për programet e BE “Evropa Kreative – nënprogrami Kulturë” dhe “Evropa për qyetarët”, në kuadër të programit për shënimin e 9 Majit-Dita e Evropës, në organizim të Delegacionit të BE në Shkup dhe ministrive të kulturës dhe arsimit dhe shkencës.
Siç është paralajmëruar, në Infoditë hollësisht do të prezantohen projektet për bashkëpunim, respektivisht mënyrat se si të përgatitet projekt i suksesshëm. Projektet, citohet në kumtesën e Ministrisë së Kulturës, dedikohen për përfaqësues të sektorit kulturor, pushtetit lokal, institucioneve arsimore dhe shfrytëzuesve të tjerë potencialë të programeve “Evropa Kreative – nënprogrami Kulturë” dhe “Evropa për qyetarët”./Telegrafi/