Presidentja e Kosovës, Vjosa Osmani, ka theksuar rëndësinë e aleancave të forta për mbrojtjen e demokracisë gjatë një deklarate në Ditën Ndërkombëtare të Demokracisë.
Ajo deklaroi në platformën X se demokracia është aq e fuqishme sa vullneti i popullit për ta përqafuar dhe mbrojtur atë, duke shtuar se vitet e fundit demokracitë janë testuar, veçanërisht në Evropë.
Osmani ndau edhe pjesë nga fjalimi i saj në Samitin e Demokracisë në Kopenhagë, duke vënë theksin mbi sulmet ndaj vlerave demokratike nga autokratët.
“Fatkeqësisht, jemi dëshmitarë të një sulmi të pamëshirshëm ndaj vlerave demokratike nga autokratët, të cilët e shohin demokracinë si një kërcënim për ambiciet e tyre. Megjithatë, sa më e fortë të jetë dëshira e tyre për të minuar demokracinë, aq më e fortë duhet të jetë vendosmëria jonë për ta mbrojtur atë,” deklaroi Osmani.
Në fund, ajo theksoi se aleancat e forta kanë qenë dhe do të mbeten burimi kryesor për mbrojtjen e demokracisë në nivel global.
Democracy is as strong as the will of the people to embrace it, as resilient as our determination to protect it, and as robust as our resistance against the powers that want to undermine it.
Strong alliances have been, and continue to be the lifeline for the defense of democracy… pic.twitter.com/yy0R8JGpMR
— Vjosa Osmani (@VjosaOsmaniPRKS) September 15, 2024