Një shtetas palestinezë ka raportuar se është sulmuar nga disa persona, shtetas të huaj nga Siria, Palestina, Iraku dhe Algjeria.
Sipas raportit të Policisë së Kosovës, ngjarja ka ndodhur të mërkurën rreth orës 22:00, në Jarinje.
Siç thuhet në raport, sipas ankuesit njëri prej të dyshuarve e ka sulmuar dhe goditur me thikë dhe i kanë grabitur telefonin celular, pasaportën dhe dymijë (2000) euro para të gatshme.
“Jarinje 23.09.2020-22:00. Ankuesi mashkull me shtetësi palestineze ka raportuar se me datën e lartcekur në Jarinje është sulmuar nga disa persona te dyshuar shtetas të huaj nga Siria, Palestina, Iraku dhe Algjeria. Sipas ankuesit njëri prej të dyshuarve e ka sulmuar dhe goditur me thikë dhe i kanë grabitur telefonin celular, pasaportën dhe dymijë (2000) euro para të gatshme. Rasti është iniciuar me urdhër të prokurorit i cili vazhdon të hetohet dhe nuk raportohet për të arrestuar”, thuhet në raport. /Telegrafi/