Barcelona e fitoi titullin e La Ligas në mënyrë komode, mirëpo sezoni i katalunasve përfundoi në mënyrë zhgënjyese, pasi dështoi në finale të Kupës së Mbretit, teksa paraprakisht ishte eliminuar nga Liga e Kampionëve.
Për herë të parë që nga sezoni 2013/2014, Balugranët dështuan ta fitonin Copa del Rey, pasi në finalen e zhvilluar në Benito Villamarin pësuan nga Valencia (2-1).
Me mungesat e Luis Suarez dhe Ousmane Dembele, për shkak të lëndimeve, Ernesto Valverde e nisi ndeshjen me Sergi Roberto në krahun e djathtë, Lionel Messin si nëntë fals dhe Philippe Coutinhon në anën e majtë.
Did you see the way Carlos Soler beat Jordi Alba, @ManUtd what are you waiting for?! pic.twitter.com/HeeBBG3lYa
— Ayobami (@AyobamiWorld) May 25, 2019
Trajneri i Barcës e kishte në dispozicion katërshen më të mirë të mbrojtjes, mirëpo Jordi Alba, i cili zakonisht njihet për shpejtësinë e tij, u mposht në një garë vendimtare na rastin e golit të dytë të Los Che.
Në minutën e 33-të, lojtarët e Valencias e dërguan një top në krahun e djathtë duke i vënë në një përballje të drejtpërdrejtë shpejtësie, 30-vjeçarin Jordi Alba dhe 22-vjeçarin Carlos Soler.
Me gjithë përpjekjet, mbrojtësi i Barcelonës nuk arriti që ta fitonte duelin e shpejtësisë me kundërshtarin e tij, i cili më pas harkoi te Rodrigo dhe ky i fundit shënoi me kokë. /Telegrafi/
