Tre pasagjerë në bordin e një aeroplani të Hawai Airlines nga Hawaii në Sydney janë shtruar në spital pasi aeroplani përjetoi ‘turbulenca të rënda’.
Sipas mediave të huaja, përcjell Telegrafi, fluturimi HA451 i Hawaiian Airlines u godit me erëra të forta rreth pesë orë pas fillimit të fluturimit të tij që zgjati nëntë orë e dyzet e pesë minuta të premten.
Dhe shërbimet e urgjencës takuan pasagjerët në bord ndërsa aeroplani u ul pak para orës 20:00 në Aeroportin e Sydney-t.
Aeroplani mbante 163 pasagjerë dhe 12 anëtarë të ekuipazhit.
Autoritetet shëndetësore kanë konfirmuar se 12 persona “u vlerësuan” në vendngjarje përpara se tre të dërgoheshin me urgjencë në spital.
“Katër pasagjerë dhe tre stjuardesa u trajtuan fillimisht nga një mjek në bord dhe anëtarët tanë të ekuipazhit, në konsultim me mjekët në terren”.
Aeroplani specifik i është nënshtruar një ‘inspektimi të plotë’, i cili do të ndikojë në kohën e nisjes së fluturimit HA452 nga Sydney në Honolulu. /Telegrafi/