Frontmeni i “NRG Band”, Besnik Qaka, i ka dhënë fund beqarisë duke e kurorëzuar dashurinë me partneren e tij, Lolita Begolli.
Dasma e tyre e madhe është duke u zhvilluar sonte (e shtunë) në “Hotel Dukagjini” në Pejë, ku janë të pranishëm shumë të ftuar, në mesin e tyre edhe kolegë të shumtë të këngëtarit.
Vig Poppa, Florent Boshnjaku, Trakla, Shkurte Gashi, Lori, Rozana Radi, Nadi e Labinot Gashi, janë disa prej emrave të njohur që e kanë nderuar Besnikun me pjesëmarrje në dasmën e tij.
Disa orë para fillimit të ceremonisë u publikua një video, ku tregohej rreth përgatitjeve që bëheshin për ambientin e dasmës në “Hotel Dukagjini”, ndërkohë që kemi raportuar se për argëtimin e publikut, dyshja kanë menduar të bëjnë një përzgjedhje mjaft të veçantë.
Për më shumë, Labi, Lori, Dani, Arbër Gjota, Genc Prelvukaj, Big Mama, Vig Poppa, Orient Darabuka dhe DJ Esto, janë emrat e artistëve që këndojnë në dasmën e Besnikut.
Muaji shtator ka sjellë martesën e disa prej yjeve të njohura të skenës shqiptare. Marina Vjollca dhe Getoar Selimi, Xhensila Myrtezaj dhe Bes Kallau, si dhe aktori i “O Sa Mirë”, Ernest Zymberi, i hanë fund beqarisë. /Telegrafi/