Artistja e njohur Diona Fona ka nisur përgatitjet e projektit të ri muzikor.
Ajo gjatë ditës së djeshme (e shtunë) njoftoi se po vjen me këngë të re në bashkëpunim me reperin anglez, ZieZie.
Projekti i dyshes thuajse është në finalizim dhe me këtë rast këngëtarja ka ndarë disa pamje nga xhirimet e klipit të ri.
Krijuesja e hitit “Ti je” ka befasuar fansat në një pozë ku shfaqet e shtrirë, gjersa një pjesë të videoklipit e ka xhiruar në Vlorë.
Komplimentet kanë qenë nga më të ndryshmet dhe imazhi ka grumbulluar mijëra pëlqime.
Kjo vjen pas “Sheqer” që e solli vetëm pak javë më parë me protagonist modelin Andi Artani.
Për vetëm pak ditë, kënga ka kaluar shifrën e një milion klikimeve në YouTube. /Telegrafi/
