Klubi më i trofeshëm nga Kosova, Prishtina është duke i vazhduar përgatitjet për sezonin e ti, ku po punohet dy herë në ditë.
Klubi kryeqytetas ka sjellë disa lojtarë të huaj që po testohet nga trajneri Mirel Josa.
I tillë është edhe braziliani Davi Ferrari, i cili si i ri në grupmosha ka pasur një karrierë të bujshme.
Ai ka luajtur për Fluminensen dhe Flamengon, ndërsa ishte tubuar edhe nga kombëtarja braziliane për të rinj, shkruan Gazeta Sheshi.
Davi luan në pozitën e mesfushorit dhe pritet që së shpejtë të merret vendim për të, sikurse edhe për disa të tjerë që janë në prova.
Mesfushori brazilian ka ardhur me rekomandimin e menaxherit Ben Ademi.
