KEDS-i ka njoftuar se është djegur transformatori në nënstacionin Dikanca, me ç`rast ka lënë pa energji elektrike disa fshatra të Dragashit.
Sipa kësaj kompanie, transformatori është djegur për shkak të vjetërsisë.
“Kjo ka pamundësuar furnizimin me energji për fshatrat e Dragashit: Radesha, Leshtani, Bask, Dikanca, Brodi dhe kompleksi Arxhena”.
“KEDS ka nisur menjëherë procedurat për ndërrimin e tij dhe parashihet që të ndërrohet deri sot pasdite, kur pritet t’u rikthehet energjia elektrike konsumatorëve në këto zona malore. KEDS kërkon mirëkuptimin e konsumatorëve dhe i siguron se transformatori po ndërrohet në kohën më të shkurtër të mundshme”, thuhet në njoftimin për media të KEDS-it.