Policia e Kosovës ka njoftuar se gjatë ditës së djeshme është djegur një shtëpi në Klinë, ku si pasojë e zjarrit janë lënduar katër persona.
Në njoftimin e bërë nga Policia e Kosovës, thuhet se personat e lënduar janë dërguar për tretman mjekësor në spitalin e Pejës, transmeton Telegrafi.
Po ashtu, policia bën të ditur se në vendin e ngjarjes kanë dalë njësitë e zjarrfikësve dhe njësitë e tjera përkatëse. Lidhur me rastin është njoftuar prokurori kujdestar dhe rasti shkon në procedurë të rregullt./Telegrafi/