Javën e kaluar, më datë 07.10.2023 është djegur një pjesë e materialit të arkivuar në zyrën për dhënien e patentë shoferëve, ku mbahen provimet.
Lajmin për Telegrafin e ka konfirmuar zëdhënësi i Policisë së Kosovës për rajonin e Ferizajt, Kanun Veseli.
Po ashtu edhe në raport të Policisë së Kosovës bëhet e ditur se një person ka raportuar se në rrethana të panjohura është djegur një pjesë e materialit zyrtar të arkivuar.
Në raport të Policisë së Kosovës bëhet e ditur se ngjarja ka ndodhur më datë 07.10.2023, ndërsa është raportuar të hënën.
Rasti është iniciuar si “Asgjësim apo fshehje e materialit arkivor”.
“Ferizaj 07.10.2023 – Më 09.10.2023 ankuesi mashkull kosovar ka raportuar se në rrethana të panjohura është djegur një pjesë e materialit zyrtar të arkivuar. Është njoftuar prokurori kujdestar, njësitet përkatëse janë duke hetuar rastin”, thuhet në raport të Policisë. /Telegrafi/