Dielli aktualisht është në një periudhë të “minimumit diellor”, që do të thotë aktiviteti në sipërfaqen e tij ka rënë ndjeshëm, shkruan The Sun.
Ekspertët besojnë se ne do të hyjmë në periudhën më të thellë të “recesionit” të diellit të regjistruar ndonjëherë pasi pikat e diellit janë zhdukur praktikisht, transmeton Telegrafi.
Astronomi Tony Phillips tha: “Minimumi diellor është duke u zhvilluar, dhe është i thellë. Fusha magnetike e diellit është bërë e dobët, duke lejuar rreze shtesë kozmike në sistemin diellor. Rrezet e tepërta kozmike paraqesin një rrezik shëndetësor dhe ndikojnë në elektrokimi të atmosferës së sipërme të Tokës dhe mund të ndihmojnë në shkaktimin e rrufeve”.
Shkencëtarët e NASA-s kanë frikë se mund të jetë një përsëritje e Dalton Minimal, e cila ndodhi midis 1790 dhe 1830 – duke çuar në periudha të ftohta brutale, humbje të korrjeve, uri dhe shpërthime të fuqishme vullkanike.
Temperaturat u ulën deri në 2C mbi 20 vjet, duke shkatërruar prodhimin e ushqimit në botë.
Më 10 prill 1815, shpërthimi i dytë i madh vullkanik në 2,000 vjet ndodhi në malin Tambora në Indonezi, duke vrarë të paktën 71,000 njerëz.
Ajo gjithashtu çoi në të ashtuquajturin ‘Vit pa një verë’ në vitin 1816. /Telegrafi/