Juventusi ka shënuar fitore ndaj Freiburg me rezultat 1-0 në kuadër të 1/8 së Ligës së Evropës.
Italianët shënuan që në minutën e 14-të me Manuel Locatellin, por që goli u anulua për një ndërhyrje të palejuar në zonë.
Rast të mirë Juventusi kishte edhe në minutën e 32-të, kur Bremer gjuajti me kokë, por pak mbi portë.
Në fillimin e pjesës së dytë erdhi edhe goli i shumë kërkuar nga Juventusi.
Një harkim në zonë gjeti kokën e Angel Di Marias i cili shënoi për 1-0 në minutën e 53-të.
𝐆𝐎𝐀𝐋 | 𝖩𝗎𝗏𝖾𝗇𝗍𝗎𝗌 1-0 𝖥𝗋𝖾𝗂𝖻𝗎𝗋𝗀 (𝖣𝗂 𝖬𝖺𝗋𝗂𝖺) pic.twitter.com/KhWANZFBQw
— EuroFoot (@eurofootcom) March 9, 2023
Freiburgu barazoi rezultatin në minutën e 62-të, me golin e Lucas Holer, por që pastaj me VAR u anulua për një prekje me dorë në zonë.
Juventusi kishte edhe dy gjysmëraste, por që nuk arritën t’i kthenin në lojë.
Pas një jave zhvillohet ndeshja kthyese në Gjermani, ku do të kërkohet skuadrat çerekfinaliste. /Telegrafi/