Edhe pse Mohamed Salah po kalon në një formë të shkëlqyer, ai nuk është i vetmi shqetësim i Eusebio Di Francescos.
Tekniku italian thotë se Liverpooli ka një grup të mirë dhe nuk varet nga individët.
“Ne nuk mund të fokusohemi në një lojtar”, ka thënë Di Francesco para ndeshjes në konferencën për media.
“Liverpooli nuk është vetëm Salah, treshja sulmuese më vërtetë kombinohen mirë dhe kjo nuk është e parëndësishme”.
“Ne nuk jemi përgatitur për këtë ndeshje me një lojtar në mendje. Jemi përgatitur duke u koncentruar te lojtarët e tyre të fortë dhe jo vetëm te një lojtar”.
“Jam i lumtur që luajmë në gjysmëfinale dhe me ambicie për të vazhduar”, ka shtuar italiani.
Roma në çerekfinale eliminoi Barcelonën, kurse Liverpooli mundi Manchester Cityt. /Telegrafi/
