Këngëtarja tashmë shumë e pëlqyer në tregun shqiptar, Dhurata Dora, duket se e ka finalizuar projektin e ri muzikor.
“Ferrari” mban titullin kënga e re e saj, e cila siç njofton pritet të lansohet këtë të shtunë (27 qershor).
Duke qenë se fansat mezi po presin për prurjen e re të saj, 27-vjeçarja pak ditë para publikimit të plotë ka ndarë një pjesë të shkurtër të këngës.
“Kallma bre, të shtunën / Ferrari”, ka shkruar ajo krahas postimit referuar një pjese të tekstit të këngës së re.
Kjo pjesë u mirëprit mjaft mirë edhe nga ndjekësit, marrë parasysh që numëron fansa gjithandej jo vetëm në trojet shqiptare.
Dhurata gjatë karantinës ka qenë e izoluar në Gjermani ku edhe ka punuar në prurje të reja muzikore. /Telegrafi/