Gjatë komentimit të një dhune të fundit në rrugët e qytetit francez Dijon, një deputet francez ka përmendur si shembull të keq Kosovën.
Sipas mediave të huaja, përcjell Telegrafi, bëhet fjalë për deputetin e “Les Republicains”, Eric Ciotti, i cili ka përshkruar dhunën në komunitet për disa ditë në Dijon.
Siç ishte bërë e ditur më herët, në këtë qytet kishin ndodhur “qërim hesapesh mes dy bandave të armatosura”, gjë e cila supozohet se filloi kur një çeçen 16-vjeç është rrahur gjatë javës së kaluar, e në gjithçka ishin përfshirë dilerët e drogës.
Për t’u hakmarrë, më shumë se 200 çeçenë kanë sulmuar një bar, duke kërkuar personat përgjegjës, e për t’ju dalë në ndihmë bashkëkombësve.
Sipas raportimeve, dhuna u zgjerua në tërë qytetin Dijon ku janë djegur edhe vetura të shumta.
Eric Ciotti, député LR des Alpes-Maritimes, à propos des violences à Dijon : «On ne peut pas laisser prospérer cette guerre des gangs (…) une chienlit qui se généralise» #LaMatinale pic.twitter.com/VtVtemATKI
— CNEWS (@CNEWS) June 17, 2020
Dhe lidhur me këto zhvillime, Ciotti ka thënë: “Ne nuk mund të lejojmë që kjo luftë bande të lulëzojë. Duket si një teatër lufte…”, denoncoi deputeti për “ekspeditat ndëshkuese” të kryera që nga e premtja nga anëtarët e komunitetit çeçen.
Por ai nuk është ndalur me kaq.
“Duket se rrugët e Dijonit ishin si ato të Kosovës, me bandat e armatosura që reklamojnë kallashnikov. Këto janë imazhe marramendëse që shënojnë një fazë në përkeqësimin e situatës së sigurisë në vendin tonë”, citohet të ketë thënë Eric Ciotti. /Telegrafi/