Policia e Kosovës ka raportuar për tri raste të dhunës në familje në Kosovë në 24 orët e fundit.
Rastet e dhunës kanë ndodhur në Prishtinë, Prizren e Pejë.
Prishtinë 30.05.2022 – 22:30. Është arrestuar e dyshuara femër kosovare, pasi që ka ushtruar dhunë ndaj nënës së saj viktimës femër kosovare. Nuk raportohet për të lënduar. Me vendim të prokurorit, e dyshuara është dërguar në mbajtje.
Prizren 31.05.2022-16:30. Është arrestuar i dyshuari mashkull kosovar nën dyshimin se i njëjti ka ushtruar dhunë fizike ndaj viktimës femër kosovare-bashkëshortes së tij, ku për pasojë lëndime të lehta kanë pësuar viktima dhe i dyshuari. Tretmani mjekësor u është ofruar të dyve, ndërsa i dyshuari me vendim të prokurorit është dërguar në mbajtje.
Pejë, 31.05.2022-13:00. Është arrestuar i dyshuari mashkull kosovar pasi që i njëjti kishte ushtruar dhunë ndaj anëtarëve të familjes. Dëshmitari mashkull kosovar, djali i të dyshuarit, kishte dorëzuar policisë një pushkë gjysmë-automatike pasi ia kishte marrë të dyshuarit duke evituar rrezikun për lëndimin e ndonjë anëtari të familjes. Në shtëpinë e të dyshuarit janë sekuestruar edhe 36 fishekë, një karikator dhe 5 thika të ndryshme. Pas intervistimit, me vendim të prokurorit kujdestar, i dyshuari dërgohet në mbajtje. /Telegrafi/
