Se cilat janë makinat më të mira gjermane të të gjitha kohërave, mund të lexoni më poshtë!
Audi Quattro
Pjesërisht e fitoi statusin e vet legjendat nëpërmjet kombinimit të stilit dy-dyersh kupe dhe një motori turbo. Megjithatë, suksesi i saj ishte në garat rally gjatë viteve ’80, që e ktheu më pas në një ikonë moderne të automobilash.
BMW M3
BMV ka pasur një performancë të ndërtimit të versioneve të tri serive të saj që në vitin 1985, dhe tani, pas pesë gjeneratash, akoma ndodhet në krye të klasifikimit nëpër listat e entuziazmuarve pas shpejtësisë. Një ujk brenda lëkurës së deles – kështu përkufizohet përsa i përket pamjes së saj dhe “bishës” që fsheh brenda.
Porsche 911
Është një makinë që në të vërtetë nuk duhet të punojë, sepse motori i saj është i montuar në pjesën e pasme, por kaq gjenialë kanë qenë inxhinierët që jo vetëm e kanë bërë të punojë, por të kthehet në një nga pikat kryesore të referimit për makinat sportive. Tani, pas 50 vjetësh, vazhdon të jetë akoma e fortë dhe është akoma e dëshirueshme nga tifozët e makinave të shpejta.
Volkswagen Golf GTI
Golfi standard është padyshim pjesë e kësaj liste me tetë breza dhe mbi 30 milionë makina të prodhuara. Janë statistikat e shitjeve që e shkruajnë historinë e kësaj makine. Por, versioni GTI është shumë më i avancuar dhe i kërkuar.
NSU Ro80
Një makinë me timon në krah të majtë, por Ro80 ishte një veturë e re që doli në shitje në vitin 1967. Aerodinamike dhe me motor Wankel, ajo fitoi çmimin Makina e Vitit në vitin 1968. Megjithatë, problemet e hershme, për shkak të besueshmërisë së makinës, e bënë që kërkesa ndaj kësaj makine të binte pavarësisht zhvillimeve teknologjike.
BMW M1
E menduar në bashkëpunim me një Lamborghini, BMW-ja në fund vendosi të ecte e vetme, duke krijuar supermakinën e saj që fillimisht “goditi” rrugët në vitin 1978. E projektuar nga mjeshtri Giorgetto Giugiaro, M1 ishte e vetmja BMV e prodhuar në masë.
Audi RS4 Avant
Audi ka kthyer shumë makina të vjetra në vepra të vërteta arti. Këtu bën pjesë RS4 Avant. Shumë nuk e dinë ç’do të thotë të kesh një makinë familjare me motor V6 apo V8.
Mercedes-Benz 300SL
Për herë të parë e lançuar në vitin 1954, SL-ja origjinale është ndoshta e njohur më mirë për përdorimin e saj të dyerve që i hapen nga lart. Në fillim u prodhua si një makinë rruge. Por, 70 vjet më vonë, ajo mbetet diçka e bukur, dhe statusi i saj prej klasikeje është i sigurtë.
BMW 2002
Ishte një aksident i lumtur, që erdhi pasi dy inxhinierë përshtatën 2 motorë 2.0 në 1600 modele. 2002 u bë popullor në mesin e fansave të salloneve të makinave sportive dhe roli i makinës në zhvillimin e markës BMW u vulos nga Turbo 2002, makina e parë e prodhuar me turbo nga kompania
Volkswagen Beetle
Nuk mund të krijosh një listë të makinave më të mëdha gjermane pa përfshirë makinën që ishte e para e prodhuar nga industria pas luftës. Beetle revolucionarizoi dizajnin e makinave dhe ndryshoi perceptimet. Ajo gjeti popullaritet edhe në kulturën e të rinjve në fund të viteve ’60. Ajo u përdor edhe në aktivitete të ndryshme, si për shembull në garat jashtë rruge, si në shkretëtirë, baltë, dëborë etj. /Tirana Observer/