Renditja e top 10 sportistëve më të paguar të të gjitha kohërave përfshin emrat e zakonshëm, por sa do të kishin fituar ata sot duke marrë parasysh inflacionin?
Faqja e njohur Sportico ka zbuluar saktësisht se sa kanë fituar 50 sportistët më të mirë të të gjitha kohërave, me të ardhurat e tyre të përshtatura me inflacionin.
50 më të mirët kanë marrë në shtëpi 50 miliardë dollarë të kombinuara kur janë përshtatur për inflacionin deri në fund të vitit 2023, duke përfshirë fitimet gjatë karrierës së tyre të lojës dhe në pension.
Fitimet e ndara në renditje përfshijnë pagat, shpërblimet, paratë e çmimeve, sponsorizimet, licencimin, honoraret, suveniret, marrëveshjet e librave, mediat, tarifat e paraqitjes dhe tarifat e shumëçka që i ka lidhur me sportin.
Fitimet e cituara janë para tatimit, dhe në rastet e Arnold Palmer dhe Kobe Bryant, të ardhurat janë llogaritur deri në momentin e vdekjes.
Nuk do të jetë befasi për absolutisht askënd që legjenda e NBA, Michael Jordan të kryesojë renditjen si me dhe pa inflacion.
Ish-ylli i Chicago Bulls fitoi 2.7 miliardë dollarë – të rregulluara në 3.75 miliardë dollarë me inflacion – deri në fund të vitit 2023, ku pjesa më e madhe vjen nga partneriteti i tij i gjatë me kompaninë e veshmbathjeve Nike.
Jordan është një nga 12 yjet e basketbollit që hynë në top 50, megjithëse ai dhe LeBron James ishin të vetmit që hynë në top 10.
Cristiano Ronaldo vjen në vendin e tretë me fitime të rrgullta prej 1.57 milionë dollar, ndërsa me inflacion 1.92 miliardë dollarësh. Ylli i Portugalisë dhe Al-Nassr ishte atleti aktiv më i paguar në botë në vitin 2023, duke fituar 275 milionë dollarë.
Përveç Ronaldos , në dhjetëshen e parë janë përfshirë edhe legjenda argjentinase, Lionel Messi dhe legjenda e Anglisë, David Beckham.
Në listë nuk mungojnë as emra legjendash të sporteve të tjera si Tiger Woods, Jack Nicklaus, Roger Federer dhe Floyd Mayëeather. /Telegrafi/