Henrik Jeppesen, është personi më i ri në botë që i ka vizituar të gjitha 196 shtetet në moshën 27 vjeçare.
Ai e ka thyer rekordin e norvegjezit Gunnar Garofrs, i cili kishte qenë 36 vjeç kur i kishte vizituar të gjitha shtetet e botës, transmeton Telegrafi.
Sidoqoftë, Jeppesen ka përpiluar një listë me dhjetë shtetet më të mira në botë, e të cilën ia vlen ta shikoni.
Afrika Jugore
“Ky është shteti më i preferuar në botë për shumë arsye. Diversiteti, njerëzit, ushqimi, qytetet, fshatrat, natyra, kafshët etj., janë disa nga arsyet që më bien ndërmend”, ka thënë ai.
Zelanda e Re
“Me siguri se do e zinte vendin e parë po të mos ishte aq larg. Është një shtet i mahnitshëm dhe i sigurt, në të cilin kam qenë disa herë”
Italia
“Italia është qyteti më i preferuar evropian. Ushqim dhe kulturë fantastike, e veçanërisht më pëlqejnë fshatrat. Mund të kaloni muaj të tërë në Itali dhe gjithmonë do të dëshironi të riktheheni.”
Maldive
“Me siguri që është vendi im më i preferuar në botë për t’u relaksuar. Ishujt privat me shtëpitë fantastike dhe uji i mahnitshëm, janë eksperienca të bukura.”
Australia
“Australia është shtet fantastik dhe një ndër shtetet e mia të preferuara. Sidoqoftë, kostoja për të jetuar aty është shumë e lart.”
Vanuatu
“Është një ndër ishujt më të dashur për shkak të njerëzve të shoqërueshëm dhe plazheve të bukura. Ishulli privat Ratua, është vend që nuk bën pa e vizituar.”
Ruanda
“Befasia më e madhe në udhëtimet e mia.. Rwanda është e sigurt, drejtohet mirë dhe befasisht ka infrastrukturë të mahnitshme.”
Palau
“Palau është ndër shtetet më të vogla dhe më të sigurta. Plazhet e bukura, natyra dhe ndjenja e veçantë e bën të futet në top dhjetëshen e preferuar.”
Seychelles
“Shtet që dua ta vizitoj prapë, por që është shumë i shtrenjtë dhe çmimet janë të mbivlerësuara. Nëse do të ishte më i lirë, do të gjendej më lart në këtë listë, pasi që është një ndër vendet më të bukura në botë.”
Tajlanda
“Toka e buzëqeshjeve! Më pëlqejnë shumë vende të këtij shteti dhe patjetër që do të rikthehem prapë.”
Për fund, Henrik kishte thënë se ka qenë e vështirë t’i zgjedhë vetëm dhjetë shtetet më të mira.
“Shtetet tjera të preferuara janë Suedia, Laosi, Butani, Japonia, Estonia, SHBA etj.”, ka shtuar ai për fund. /Telegrafi/