Këngëtarja Enca Haxhia gjatë muajit të kaluar solli projektin e saj më të ri “Dua”.
Ky projekt u diskutua shumë në media, kjo edhe për shkak skenave ‘të nxehta’ që përmbante klipi i këngës.
Një muaj pas publikimit, kjo këngë numëron mbi 10 milionë shikime në kanalin YouTube.
“Dua” është një këngë, melodinë dhe tekstin e së cilës i ka realizuar vet Enca.
Klipi i këngës është punuar nga MAX Production, gjersa protagonist në të ka qenë edhe modeli i njohur portugez, Pierluigi Fracassi.
E pyetur rreth komenteve negative që ka marrë për këtë klip, Enca thotë se nuk ndjehet aspak e indinjuar me atë se çfarë të tjerët shkruajnë për të.
Këngëtarja ka paralajmëruar se gjatë verës do të sjellë edhe disa projekte të tjera. /Telegrafi/
