Përveç mundësive për karrierë dhe rritjes profesionale që është padyshim shumë e rëndësishme për punëtorët që punëdhënësit të ofrojnë paga të larta, në mënyrë që të tërheqin profesionistët.
Duke përdorur të dhënat nga platforma e saj, Glassdoor ka përpiluar një listë me 25 kompanitë që ofrojnë pagën më të lartë në vitin 2019. Duke parë vlerësimet e pagave të raportuara nga punonjësit në periudhën mes 1 korrikut 2018 deri në 30 qershor 2019, Glassdoor zbuloi se kompanitë e teknologjisë, konsulencës dhe financave ofrojnë pagat më të mira për personelin e tyre.
Secila prej firmave në renditjen e dhjetë kompanive me pagën më të lartë ka një rrogë mesatare që fillon prej 148 mijë dollarëve ose më lart.
Kompania e shërbimeve për siguri kibernetike Palo Alto Networks, e cila renditet në vendin e parë, ka një pagë mesatare prej 170,929 dollarë, e para në botë me këtë nivel. Këto shifra, sipas Glassdoor, janë edhe më të larta se pagesa mesatare prej 73,128 dollarë që marrin shumica e punëtorëve në zonën e Gjirit të San Franciskos, vendi ku shumica e kompanive të njohura botërisht kanë selitë e tyre.
Telegrafi iu sjell listën e dhjetë kompanive me pagat më të larta dhe vlerat përkatëse të tyre.
10. Microsoft
Paga mesatare vjetore: 148,068 dollarë
Vende të lira pune: 9,700
9. Salesforce
Paga mesatare vjetore: 150,379 dollarë
Vende të lira pune: 1,900
8. Facebook
Paga mesatare vjetore: 152,962 dollarë
Vende të lira pune: 2,600
7. LinkedIn
Paga mesatare vjetore: 157,402 dollarë
Vende të lira pune: 283
6. VMware
Paga mesatare vjetore: 158,063 dollarë
Vende të lira pune: 1,400
5. Google
Paga mesatare vjetore: 161,254 dollarë
Vende të lira pune: 4,400
4. Gilead Sciences
Paga mesatare vjetore: 162,210 dollarë
Vende të lira pune: 438
3. Twitter
Paga mesatare vjetore: 162,852 dollarë
Vende të lira pune: 753
2. Nvidia
Paga mesatare vjetore: 170,068 dollarë
Vende të lira pune: 581
1. Palo Alto Networks
Paga mesatare vjetore: 170,929 dollarë
Vende të lira pune: 835 /Telegrafi/