Armando Broja ka përfunduar huazimin e tij një vjeçar tek skuadra angleze Southampton nga Chelsea.
Sulmuesi shqiptar ka bërë paraqitje jashtëzakonisht të mira me Southampton dhe është rikthyer në Londër.
20-vjeçari ka zhvilluar 38 ndeshje zyrtare me Southamptonin ku ka shënuar nëntë gola e ka asistuar në një tjetër.
Frank Lampard tani po kërkon transferimin e sulmuesit shqiptar tek skuadra e Evertonit si zëvendësues të brazilianit Richarlison.
Trajneri anglez ishte i pari që i dha debutimin Brojës me ekipin e parë të Chelseat dhe tani po synon ta ketë nën urdhrat e tij edhe në Goodison Park.
Londinezët ende nuk e kanë marrë vendimin nëse do ta lejojnë përsëri në huazim Brojën apo do ta shesin për shumën e 25 milionë eurove.
Interesim për reprezentuesin shqiptar kanë shprehur edhe dy skuadrat tjera angleze West Ham United e Newcastle United. /Telegrafi/