I detyrojnë të dalin jashtë, militantët e Hamasit hedhin pushkët dhe shtrihen në rërë – ushtria izraelite i zë duke dalë nga tuneli

Emanuel Fabian, raporteri i luftës i Times of Israel, ka publikuar një video të re të aksionit të ushtrisë izraelite në Rripin e Gazës.

Ai theksoi se videoja e shkurtër është shfaqur mbrëmë në internet. Fabian e publikoi në profilin e tij në rrjetin social X, transmeton  Telegrafi.

Në video sipas tij shfaqet momenti i daljes së militantëve të Hamasit nga tuneli nëntokësor, të cilët dorëzohen para trupave izraelite në rajonin pranë kampit të refugjatëve Shati.

Lexo po ashtu Izraeli publikon pamje të reja nga tuneli: Dëshmi se Hamasi po e zhvillon luftën nga spitali

Videoja e filmuar gjatë natës tregon se ushtarët izraelitë vrapojnë drejt një hyrje të tunelit, nga i cili dalin dy militantë të Hamasit, që urdhërohen të hedhin pushkët dhe të shtrihen në rërë.

Fabian thotë se nuk është e qartë se kur është filmuar videoja, për faktin se dje është arritur marrëveshja për armëpushim katërditor mes Hamasit dhe Izraelit. /Telegrafi/